Si të gatuajmë “Mish qengji me makarona”

Si të gatuajmë “Mish qengji me makarona”. Përgatitja e kësaj pjate bëhet në këtë mënyrë: Skuqim mishin nga të gjitha anët derisa të marrë një ngjyrë të këndshme ari. Qepën, erëzat, domatet e sallamin e grijmë hollë dhe i skuqim për 15 minuta, duke i trazuar vazhdimisht. Pastaj hedhim verën, salcën e domateve dhe gjithë perimet bashkë me kërpudhat. I ziejmë për 10 minuta në lëngun e perimeve. Hedhim atje 150 gramë makarona dhe i ziejmë. Mishin e skuqur e mbulojmë me kapak dhe e fusim në furrë të graduar në 170 gradë. E lejmë derisa të përgatitet përfundimisht. Në fund, e presim në copa dhe e servirim me makaronat dhe perimet e ziera së bashku, duke e zbukuruar me majdanoz. Kjo ishte e gjitha. Ju bëftë mirë!

Përbërësit:

• Mish qengji, 1 kofshë,
• Vaj për skuqje, 2 lugë gjelle dhe një lugë për salcën,
• Qepë të thata, 4 copë,
• Karota, 3 copë,
• Selino, 2 degëza,
• Domate, 2 copë,
• Sallam, 150 gram,
• Gjalpë, 2 lugë gjelle,
• Kërpudha, 150 gramë,
• Verë e kuqe , 500 mililitra,
• Salcë domatesh, 400 gramë,
• Kripë, majdanoz, sipas dëshirës,
• Makarona,
• koncentrat supe për 600 mililitra.